 |
| 由左起: Jimmy(司儀之一),Man, Brian (新郎), 信 |
從不同的角度去睇一場婚宴, 自己做過新娘, 差不多10次經驗做姊妹, 記不清楚的飲宴次數, 這次就從一個司儀的角度去睇婚宴。
講到做婚禮司儀, 有以下的準備功夫：
1.與一對新人的溝通最重要, 了解他們在婚宴上想怎樣搞, 因每個婚宴都是獨一無二的, 所以事前會跟新郎新娘開會, 所有講稿之類東西都在過程中不斷與新人溝通的 ；
2.司儀要準備司儀稿, 遊戲及禮品, 撰寫致謝詞(根據新人要求)；
3.堅持沖涼; 司儀清楚自己角色定位及儀表衣著；
4.與partner 對稿幾次, 仲有用video錄低自己的表現(好認真啊)。
婚禮當日約5p.m.到達會塲; 司儀與一對新人, 兄弟姊妹及會塲經理商量整個婚礼流程, 及預先準備某些遊戲。
另外, 自己作咗一個新嘗試, 就是在敬茶時,自己用大妗姐的金句講, 反應非常好, 嘉賓們笑得特別開心, 朋友就笑我連大妗姐都做埋, 我覺得無所謂 - 最緊要係開心。
自已整晚都好留意新人及嘉賓的反應及整個流程; 仲有要懂得應變不可預知的事件e.g.預備咗3個遊戲玩的, 因嘉賓們非常熱愛拍照, 所以删減咗一個遊戲; 同時懂得控制氣氛; 又要左騰右騰(成個曰本人); 而且差不多企足成晚(返屋企後, 整個人好疲倦); 無暇享受美食。
覺得自己有不足之處：因一對新人在酒樓請律師証婚, 自已事前沒有問清楚主婚人是誰, 就胡亂請咗一位不是主婚人的長輩上台, 令到塲面有些 尷尬。
除了上述一些不足, 對自己整晚表現感到相當滿意, 再加上眾人的合作及配合, 令到整個婚宴好順利, 自己好有成功感, 朋友們給我的回應有鼓勵性, 包括我的表現好淡定及大方得體, 多謝他們的評價。
我有少少鐘意咗做婚宴司儀, 好享受整個過程。
